OPERATSIYADAN KEYINGI VENTRAL CHURRALARNI JARROHLIK DAVOLASHDA TO'R IMPLANT TURINI VA FIKSATSIYA USULINI TANLASHNING KLINIK AHAMIYATI

Zamonaviy gerniyologiyada to'r implantlardan foydalanish operatsiyadan keyingi 
ventral churralar (OKVC) davolashning asosiga aylangan. Biroq implant turi va fiksatsiya 
usulini noto'g'ri tanlash surunkali og'riq sindromiga, implant infeksiyasiga, sero'ma hosil 
bo'lishiga va churraning qayta rivojlanishiga olib kelishi mumkin. Adabiyot ma'lumotlariga 
ko'ra, uzoq muddatli kuzatuvda takrorlanish chastotasi 10–30% ni tashkil etadi va ko'p 
hollarda noto'g'ri tanlangan implant yoki fiksatsiya strategiyasi bilan bog'liq. Shu sababli 
to'r implantning pozitsiyasi, turi va fiksatsiya uslubini differensial tanlash metodologiyasini 
ishlab chiqish alohida ilmiy va amaliy ahamiyat kasb etadi.