SAVDO KANALLARINI BOSHQARISHDA MARKETING TIZIMINING O`RNI

Har qanday iqtisodiyotda ishlab chiqarish va iste'mol o‘rtasidagi bog‘lanishni ta'minlaydigan asosiy vosita – bu savdo tizimidir. Ishlab chiqaruvchi mahsulot tayyorlashi mumkin, ammo uning iste'molchi qo‘liga yetib borishi uchun muayyan yo‘llar va vositalar talab etiladi. Ana shu vosita va yo‘llar majmuasi savdo kanallari deb ataladi. Marketing fanining rivojlanishi savdo kanallariga nisbatan yangi yondashuvlarni taqdim etdi. Savdo kanallari endilikda faqat tovar aylanishi vositasi emas, balki marketing tizimining uzviy qismi sifatida ko‘riladi. Ular orqali ishlab chiqaruvchi bozorda o‘z mavqyeini mustahkamlaydi, iste'molchi esa mahsulot va xizmatlarga qulay ravishda ega bo‘ladi.