СЎЛАК ТОШ КАСАЛЛИГИДА АНЪАНАВИЙ ЖАРРОҲЛИК ДАВОЛАШ НАТИЖАЛАРИ ВА АСОРАТЛАРИНИНГ КЛИНИК ТАҲЛИЛИ. ДАВОЛАШНИ ТАКОМИЛЛАШТИРИШ ИСТИҚБОЛЛАРИ
Authors/Creators
- 1. Asia International University, Bukhara, Uzbekistan
- 2. Bukhara State Medical Institute named after Abu Ali ibn Sino, Bukhara, Uzbekistan
Description
Резюме. Тадқиқотда сўлак тош касаллигида анъанавий жарроҳлик даволаш усулларининг клиник самарадорлиги ва операциядан кейинги асоратлари ўрганилди. 2025 йилда сўлак безлари касалликлари билан мурожаат қилган 45 нафар бемор орасидан аниқланган 21 нафар сиалолитиаз беморининг клиник маълумотлари таҳлил қилинди. Тадқиқот натижаларига кўра, касаллик кўпроқ эркакларда учраб, тошларнинг асосий қисми жағ ости сўлак безида локализацияланган. Анъанавий жарроҳлик даволаш сўлак оқимини тиклаш ва клиник симптомларни бартараф этишда самарали бўлган, бироқ операциядан кейинги оғриқ, юмшоқ тўқималар шиши, қайталанувчи сиаладенит, чиқарув йўллари стенози ҳамда без секретор функциясининг пасайиши каби асоратлар кузатилган. Олинган натижалар анъанавий жарроҳлик усулларининг самарадорлигини тасдиқлайди, шу билан бирга без функциясини сақлаб қолиш ва асоратлар сонини камайтириш мақсадида сиалоэндоскопия ҳамда литотрипсия каби минимал инвазив технологияларни амалиётга кенг жорий этиш зарурлигини кўрсатади. Замонавий адабиётларда ҳам минимал инвазив усуллар безни сақлаб қолиш, асоратларни камайтириш ва даволаш натижаларини яхшилаш имконини бериши қайд этилган.
Калит сўзлар: сиалолитиаз, сўлак тош касаллиги, сўлак безлари, анъанавий жарроҳлик, сиалолитотомия, сиалоаденэктомия, асоратлар, минимал инвазив даволаш, литотрипсия.