FONOLOGIK JARAYONLARNING LINGVISTIK TAHLILI
Authors/Creators
Description
Mazkur maqolada fonologik jarayonlarning lingvistik tabiati, ularning til tizimidagi o‘rni hamda funksional xususiyatlari tizimli tarzda tahlil qilinadi. Tadqiqot davomida ingliz va o‘zbek tillaridagi fonologik hodisalar qiyosiy asosda o‘rganilib, assimilyatsiya, dissimilyatsiya, eliziya, epenteza kabi jarayonlarning yuzaga kelish sabablari, shakllanish mexanizmlari va nutqdagi kommunikativ roli aniqlashtirildi.
Maqolada fonologik nazariyalar doirasida N.Chomsky va M.Halle generativ fonologiya nazariyasi, D.Jones fonetika va fonologiya o‘rtasidagi farq, shuningdek, o‘zbek tilshunoslari A.G‘ulomov va Sh.Rahmatullayevlarning fonologik tizimga oid ilmiy qarashlari asos qilib olindi. Tadqiqot natijalari shuni ko‘rsatadiki, fonologik jarayonlar tilning fonetik barqarorligini ta’minlabgina qolmay, so‘z va jumla darajasidagi semantik uyg‘unlikni ham mustahkamlaydi, nutqni soddalashtiradi va uning samaradorligini oshiradi.