SUD HOKIMIYATINING KONSTITUTSIYAVIY MAQOMI VA HOKIMIYATLAR BO'LINISHI PRINSIPINING AMALIY TA'MINLANISHI

Ushbu maqolada sud hokimiyatining konstitutsiyaviy-huquqiy maqomi hamda davlat hokimiyati tizimida hokimiyatlar bo‘linishi prinsipining amaliy ta’minlanishi mexanizmlari tahlil qilinadi. Tadqiqot doirasida sud hokimiyatining mustaqilligi, uning qonun chiqaruvchi va ijro etuvchi hokimiyat tarmoqlari bilan o‘zaro tiyilish va muvozanatlashish tizimidagi o‘rni zamonaviy konstitutsiyaviy islohotlar kontekstida tadqiq etilgan. Muallif sud hokimiyati mustaqilligini ta’minlashning huquqiy kafolatlari, sud tizimini shakllantirish tartibi va odil sudlovni amalga oshirishda yuzaga kelayotgan tizimli muammolarni qiyosiy-huquqiy metodlar yordamida ochib beradi. Maqolada sud hokimiyatining chinakam mustaqilligiga erishish, uning nufuzini oshirish va hokimiyatlar bo‘linishi prinsipini amalda to‘liq realizatsiya qilishga qaratilgan ilmiy-nazariy taklif va amaliy tavsiyalar ishlab chiqilgan.