TAQLID SO'ZLARNING BOSHQA SO'Z TURKUMLARI BILAN MUNOSABATI

Annotatsiya: Mazkur maqolada taqlid so‘zlarning grammatik tabiati, semantik xususiyatlari hamda boshqa so‘z turkumlari bilan o‘zaro munosabati tahlil qilinadi. Jumladan, taqlid so‘zlarning fe’l, ot, sifat, ravish va undov so‘z turkumlari bilan aloqadorligi ilmiy manbalar va misollar asosida yoritiladi. Shuningdek, taqlid so‘zlarning so‘z yasalishidagi o‘rni, nutqdagi funksional imkoniyatlari va badiiy uslubdagi ahamiyati ko‘rib chiqiladi. Tadqiqot natijalari shuni ko‘rsatadiki, taqlid so‘zlar til tizimida mustaqil so‘z turkumi bo‘lishiga qaramay, boshqa so‘z turkumlari bilan uzviy bog‘langan holda faoliyat yuritadi. Ular ko‘plab yangi leksemalarning shakllanishiga asos bo‘lib xizmat qiladi va nutqning ifoda imkoniyatlarini kengaytiradi. Shu jihatdan taqlid so‘zlarni boshqa so‘z turkumlari bilan qiyosiy o‘rganish o‘zbek tilining leksik-semantik va grammatik xususiyatlarini chuqurroq anglash imkonini beradi.