KAMBAG'ALLIKNI QISQARTIRISHDA IJTIMOIY HIMOYA VA BANDLIK SIYOSATINING O'ZARO TA'SIRI

Maqolada kambag‘allikni qisqartirish jarayonida ijtimoiy himoya va 
bandlik siyosatining o‘zaro bog‘liqligi tahlil qilinadi. Ijtimoiy himoya aholining zaif 
qatlamlarini daromad yo‘qotish, ishsizlik, kasallik, nogironlik va ijtimoiy chetlanish 
xavflaridan muhofaza qiluvchi tizim sifatida, bandlik siyosati esa mehnatga layoqatli 
aholining iqtisodiy faolligini oshiruvchi mexanizm sifatida talqin etiladi. Maqolada 
kambag‘allikka qarshi kurash faqat nafaqa va moddiy yordam bilan cheklanmasligi, ijtimoiy 
qo‘llab-quvvatlash kasb-hunarga o‘qitish, ishga joylashtirish, tadbirkorlikni rag‘batlantirish 
va inson kapitalini rivojlantirish bilan uyg‘unlashganda barqaror natija berishi asoslanadi.