SUVNI FOTOKATALITIK PARCHALASH ORQALI VODOROD ISHLAB CHIQARISHNING ZAMONAVIY YECHIMLARI

Quyosh energiyasini samarali kimyoviy shaklda saqlash zamonaviy energetikaning eng dolzarb muammolaridan biri hisoblanadi. Ushbu maqolada quyosh energiyasini saqlashning istiqbolli usuli — suvni fotokatalitik parchalash orqali vodorod ishlab chiqarish jarayoni batafsil yoritilgan. Asosiy e’tibor yarimo‘tkazgichli fotokatalizatorlarga, xususan TiO₂ asosidagi tizimlarga qaratilgan. Shuningdek, TiO₂ ning asosiy cheklovlari (faqat ultrabinafsha nurlarni yutishi) hamda uning ko‘rinadigan yorug‘likni yutish qobiliyatini oshirishning zamonaviy usullari ko‘rib chiqiladi.