Texnologiya fanini o'qitishda integrativ yondashuvning pedagogik zarurati va nazariy asoslari

Maqolada texnologiya fanini o‘qitishda integrativ yondashuvning nazariy mazmuni, pedagogik zarurati
va kompetensiyaviy ta’lim sharoitidagi metodik qiymati tahlil qilinadi. Texnologik bilimni faqat mehnat amaliyoti bilan
cheklash o‘quvchining loyihalash, materialni tanlash, texnologik jarayonni rejalashtirish, xavfsizlik talablarini anglash va
yakuniy mahsulot sifatini baholash imkoniyatlarini toraytirishi asoslanadi. Integratsiya matematika, fizika, informatika,
chizmachilik, ekologik madaniyat va iqtisodiy savodxonlikni texnologik vazifa tarkibida birlashtiruvchi pedagogik mexanizm
sifatida talqin qilinadi.