O'ZBEKISTONDA IJTIMOIY TADBIRKORLIK SUBYEKTLARINI MOLIYALASHTIRISH TIZIMINI TAKOMILLASHTIRISH VA INVESTITSIYAVIY JOZIBADORLIGINI OSHIRISH YO'LLARI

Milliy iqtisodiyotni modernizatsiya qilish va kambag‘allikni qisqartirish sharoitida ijtimoiy tadbirkorlik subyektlarini
institutsional hamda moliyaviy qo‘llab-quvvatlash tizimini takomillashtirish masalalari tadqiq etilgan. Tadqiqot jarayonida
kapital transformatsiyasining besh bosqichli evolyutsion modeli tizimlashtirilib, an’anaviy moliyaviy instrumentlar
bilan bir qatorda ESG tamoyillari va impakt-investitsiyalardan foydalanish istiqbollari asoslab berilgan. O‘zbekiston amaliyotida
ijtimoiy korxonalar faoliyatini rag‘batlantirishda qo‘llanilayotgan ko‘p bo‘g‘inli fiskal hamda moliyaviy-kredit mexanizmlari
tahlil qilingan. Tadqiqot natijalari asosida ijtimoiy korxonalarning fiskal barqarorligini ta’minlash hamda moliya
bozorida suveren va korporativ “Ijtimoiy obligatsiyalar” (Social Bonds)ni joriy etish bo‘yicha ilmiy-amaliy taklif va tavsiyalar
ishlab chiqilgan.