TA'LIMIY TASHKILOTLARDA ALOHIDA YORDAMGA MUHTOJ BOLALARNI TA'LIM OLISHINI QO'LLAB-QUVVATLASH TEXNOLOGIYALARI

Mazkur maqolada ta’limiy tashkilotlarda alohida yordamga muhtoj 
bolalarning ta’lim olish jarayonini samarali tashkil etish va qo‘llab-quvvatlashda 
zamonaviy texnologiyalardan foydalanish masalalari keng yoritilgan. Inklyuziv ta’lim 
sharoitida barcha bolalarning teng ta’lim olish huquqini ta’minlash, ularning individual 
ehtiyojlari va imkoniyatlarini inobatga olgan holda o‘quv jarayonini tashkil etish muhim 
ahamiyat kasb etadi. Shu nuqtayi nazardan assistiv (yordamchi) texnologiyalar, raqamli 
ta’lim vositalari hamda adaptiv o‘qitish tizimlari alohida ehtiyojli bolalarning bilim olish 
jarayonini yengillashtirish va samaradorligini oshirishda asosiy vositalardan biri sifatida 
qaraladi.