MUSTAQIL FIKRLASHNI RIVOJLANTIRISHGA TA'SIR ETUVCHI OMILLAR

Mazkur maqolada mustaqil fikrlashni rivojlantirishga ta'sir etuvchi asosiy omillar – pedagogik, psixologik, ijtimoiy va shaxsiy omillar – ilmiy-nazariy va amaliy jihatdan keng tahlil qilingan. Tadqiqot Buxoro davlat pedagogika institutining 60 nafar talabalari ishtirokida o'tkazilgan bo'lib, interfaol ta'lim metodlari (debat, aqliy hujum, case study) va muammoli o'qitish texnologiyalarining mustaqil fikrlash ko'nikmalarini shakllantirishdagi samaradorligi empirik jihatdan asoslab berilgan. Eksperimental guruhda mustaqil fikrlash ko'rsatkichlari an'anaviy guruhga nisbatan 30–45% yuqori ekanligi aniqlandi. Tadqiqot natijalari asosida ta'lim jarayonini takomillashtirish bo'yicha amaliy tavsiyalar ishlab chiqildi.