QURILISH CHIQINDILARINI QAYTA ISHLASH TEXNOLOGIYALARINING XALQARO TAJRIBASI VA O'ZBEKISTONDA QO'LLASH ISTIQBOLLARI

Ushbu maqolada qurilish chiqindilarini qayta ishlash texnologiyalarining xalqaro tajribasi va ularni O‘zbekiston sharoitida qo‘llash istiqbollari tahlil qilingan. Tadqiqot davomida Germaniya, Niderlandiya, Yaponiya va Janubiy Koreya kabi davlatlarning qurilish chiqindilarini boshqarish hamda qayta ishlash bo‘yicha amaliy tajribalari o‘rganildi. Tadqiqotda qiyosiy tahlil, statistik tahlil va SWOT tahlil usullaridan foydalanildi. Natijalar shuni ko‘rsatdiki, beton, asfalt, metall va boshqa qurilish materiallarini qayta ishlash texnologiyalari tabiiy resurslardan foydalanish hajmini kamaytirish, chiqindilarni poligonlarga joylashtirishni qisqartirish hamda ekologik barqarorlikni ta’minlashda muhim ahamiyatga ega. O‘zbekiston sharoitida qurilish chiqindilarini qayta ishlash tizimini rivojlantirish uchun zamonaviy texnologiyalarni joriy etish, investitsiyalarni jalb qilish va normativ-huquqiy bazani takomillashtirish zarurligi asoslandi.