MASOFAVIY TA'LIM PLATFORMALARI VA VIRTUAL LABORATORIYALARDAN FOYDALANISH METODIKASI

Maqolada STEM, xususan robototexnika va dasturlash ta'limida masofaviy ta'lim platformalari hamda virtual laboratoriyalardan foydalanishning ilmiy-nazariy asoslari va amaliy metodikasi yoritiladi. Raqamli ta'lim muhitini yaratishda LMS (Moodle, Google Classroom va boshqalar) platformalarini virtual laboratoriyalar va simulyatorlar bilan integratsiyalash, real laboratoriya jihozlari cheklangan sharoitda ham talabalarda amaliy kompetensiyalarni shakllantirishga xizmat qilishi asoslanadi. Virtual laboratoriyalarning murakkab jarayonlarni xavfsiz va takrorlanuvchan sharoitda vizuallashtirish, loyiha asosida o'qitishni qo'llab-quvvatlash, shaxsiylashtirilgan o'quv trayektoriyalarini tashkil etishdagi afzalliklari tahlil qilinadi. Gibrid (an'anaviy + virtual) yondashuv, loyiha va kompetensiyaga asoslangan o'qitish, shuningdek baholash va monitoring mezonlari bo'yicha takliflar beriladi.