SHE'RIYATDA XUSUSIYAT BILDIRUVCHI SIFAT LEKSEMALAR USLUBIYATI

Uvaysiy she'riyati leksik boyligining uslubiy xususiyatlarini tadqiq qilish uning klassik o'zbek tili leksikasining boy imkoniyatlaridan she'riyat mavzusi va mazmuniga mos ravishda foydalanganidan dalolat beradi. Uvaysiy she'rlarida xususiyat sifatlari asosan tashqi ta'sirni emas, ruhiy ta'sir, shaxslararo munosabatni reallashtirish maqsadida qo`llangan. Shoira inson xususiyatini ifodalovchi ijobiy yoki salbiy ma'no ottenkaga ega sifatlarning uslubiy imkoniyatlaridan, ma'nodoshlik, zid ma'nolilik hodisasi asosida antitezadan uslubiy vosita sifatida foydalangan.