QADIMGI TURKIY TIL YOZMA MANBALARI VA ULARNING GRAFIK XUSUSIYATLARI

Mazkur maqolada qadimgi turkiy tilning yozma manbalari hamda ularning grafik xususiyatlari tahlil qilinadi. Turkiy xalqlar tarixida muhim o'rin tutgan O'rxun-Enasoy bitiklari, uyg'ur yozuvi yodgorliklari va boshqa qadimgi manbalar lingvistik hamda tarixiy nuqtai nazardan o'rganiladi. Tadqiqot davomida qadimgi turkiy yozuv tizimlarining shakllanish omillari, grafik belgilar tarkibi, fonetik xususiyatlarni ifodalash usullari va ularning keyingi yozuv tizimlariga ta'siri yoritildi. Tadqiqot natijalari qadimgi turkiy yozuvlarning yuqori darajada rivojlangan grafik tizimga ega bo'lganligini hamda turkiy xalqlar madaniy taraqqiyotining muhim ko'rsatkichlaridan biri ekanligini tasdiqlaydi.