AXBOROT MAKONIDA EKSTERIMIZM G'OYALARIGA QARSHI KURASHNING MAFKURAVIY ASOSLARI

Globallashuv sharoitida axborot makonining kengayishi va g'oyaviy kurashning keskinlashuvi jamiyat, ayniqsa yoshlar ongiga ta'sir ko'rsatish masalasini dolzarb muammoga aylantirmoqda. Prezidentimiz ta'kidlaganidek, "Bugungi tez o'zgarayotgan dunyo insoniyat oldida, yoshlar oldida yangi-yangi, buyuk imkoniyatlar ochmoqda. Shu bilan birga, ularni ilgari ko'rilmagan turli yovuz xavf-xatarlarga ham duchor qilmoqda" . Zamonaviy kommunikatsiya vositalari orqali turli mafkuraviy ta'sirlarning kuchayishi sharoitida aholi, xususan yosh avlodda mustahkam mafkuraviy immunitetni shakllantirish muhim vazifalardan biri hisoblanadi. Shu nuqtayi nazardan, samarali targ'ibot va tashviqot faoliyati jamiyatni yot g'oyalar ta'siridan himoya qilishda muhim omil bo'lib xizmat qiladi.