SHIFOKOR VA BEMOR MULOQOTINING IJTIMOIY-PSIXOLOGIK VA LINGVISTIK AHAMIYATI

Ushbu maqolada zamonaviy tibbiyotning eng dolzarb muammolaridan biri – shifokor va bemor o‘rtasidagi muloqot madaniyati, uning ijtimoiy-psixologik, deontologik hamda lingvistik jihatlari atroflicha tahlil qilingan. Tibbiy muloqot shunchaki axborot almashinuvi jarayoni emas, balki bemorning ruhan sog‘ayishi, shifokorga bo‘lgan ishonchining ortishi va terapevtik samoradorlikni ta’minlovchi yetakchi omil ekanligi ilmiy asoslab berilgan. Maqolada shifokor nutq madaniyati,verbal va noverbal muloqot vositalarining mutanosibligi, paternalistik va hamkorlik modellarining qiyosiy tahlili hamda muloqot jarayonida yuzaga keladigan psixologik to‘siqlar va ularni bartaraf etish strategiyalari yoritilgan. Shuningdek, bo‘lajak tibbiyot xodimlarida muloqot kompetensiyasini shakllantirishning pedagogik mexanizmlari bo‘yicha amaliy tavsiyalar ishlab chiqilgan.