MAHABXORATDA ADOLAT, TAQDIR VA INSONIY BURCH TALQINI

Mazkur tezisda qadimgi hind adabiyotining yirik epik yodgorligi bo'lgan Mahabxoratning g'oyaviy-badiiy xususiyatlari, falsafiy mazmuni va jahon adabiyotidagi o'rni tahlil qilinadi. Asarda markaziy o'rin tutuvchi dharma (burch va adolat) konsepsiyasi, Pandavlar va Kauravlar o'rtasidagi ziddiyat hamda Kurukshetra jangi misolida ezgulik va yovuzlik kurashi yoritiladi. Shuningdek, Bhagavad Gita tarkibidagi falsafiy qarashlar, insonning axloqiy tanlovi va ma'naviy kamoloti masalalari ilmiy jihatdan baholanadi. Epos qahramonlari obrazlari orqali adolat, sadoqat, mas'uliyat va insoniy burch kabi umuminsoniy qadriyatlarning badiiy talqini ochib beriladi.