ABDUQAYUM YÔLDOSHEVNING "PUANKARE" HIKOYASIDA METAFORA VA OBRAZ

Ushbu maqolada taniqli adib Abduqayum Yoʻldoshevning "Puankare" hikoyasidagi badiiy metaforalar va obrazlar tizimi tahlil qilinadi. Hikoyada inson taqdiri va hayotiy chalkashliklarning matematik konseptlar orqali yuqori darajada ochib berilganligi oʻrganilgan. Shuningdek, asardagi bosh qahramon obrazi va uning ichki kechinmalari metaforik vositalar yordamida yoritib berilgan. Maqolada bosh qahramon obrazining ichki dunyosi, uning hayot qonuniyatlarini quruq mantiq asosiga qurishga urinishi va yakunda insoniy qismat oldidagi ojizligi ramziy vositalar yordamida yoritib beriladi.