TALABALARNI INKLYUZIV TA'LIM SHAROITIDA FANLARNI INTEGRATIV O'QITISHGA TAYYORLASH METODIKASI

Ushbu tezisda boshlang‘ich ta’lim misolida inklyuziv ta’lim sharoitida fanlarni integrativ o‘qitishga tayyorlash metodikasining nazariy va amaliy asoslari yoritilgan. Inklyuziv ta’limning mohiyati va uni amalga oshirish zarurati, fanlararo integrativ yondashuvning ta’lim jarayonidagi ahamiyati hamda bo‘lajak boshlang‘ich sinf o‘qituvchilarini ushbu yondashuvga tayyorlash usullari ko‘rib chiqiladi. Shuningdek, talabalarda integrativ dars berish ko‘nikmalarini shakllantirishda zamonaviy pedagogik texnologiyalardan foydalanish, inklyuziv (qo‘shma) sinflardagi darslarni rejalashtirish va o‘tkazish metodikasi tahlil etiladi. Natijalar sifatida, inklyuziv ta’lim sharoitida integrativ o‘qitishga yo‘naltirilgan tayyorgarlik bo‘lajak pedagoglarda innovatsion fikrlash, kasbiy kompetensiya va moslashuvchanlikni rivojlantirishi, natijada ta’lim sifati va samaradorligini oshirishi ta’kidlanadi.