HUDUDIY IQTISODIY SALOHIYATNI BAHOLASH ORQALI ELEKTRON TIJORAT TIZIMINI INNOVATSION TAKOMILLASHTIRISH

Mazkur maqolada muallif tomonidan hududlar iqtisodiy salohiyatini baholash mezonlari va ular orqali
elektron tijorat tizimini baholashning nazariy va amaliy jihatlari haqidagi ma’lumotlar keltirib o‘tilgan. Shuningdek, muallif
hududlarning iqtisodiy salohiyatini kompleks tahlil qilish usullarini ham taqdim etgan. Hududlar kesimida elektron tijorat
rivojiga ta’sir etuvchi omillar aniqlanib, ularning o‘zaro bog‘liqligi statistik va taqqoslama usullar orqali baholandi. Tadqiqot
natijalari shuni ko‘rsatadiki, internet infratuzilmasi va mobil aloqa tizimi rivojlangan, aholining daromad darajasi va raqamli
savodxonligi yuqori bo‘lgan hududlarda elektron tijorat faoliyati sezilarli darajada yuqori. Shu bilan birga, ayrim hududlarda
infratuzilma va inson kapitali yetarli darajada rivojlanmaganligi elektron tijorat o‘sishini cheklayotgan asosiy omillar sifatida
aniqlangan.