OLIY TA'LIMNI RAQAMLASHTIRISHDA SUN'IY INTELLEKT: MUAMMO VA ISTIQBOLLAR

Tezisda oliy oʻquv yurtlarida sun’iy intellektga asoslangan zamonaviy oʻqitish modellarining nazariy hamda amaliy jihatlari tadqiq etiladi. SI vositalarining darslarni shaxsiylashtirish, bilim oʻzlashtirish darajasini dinamik nazorat qilish va ta’lim sifatini yangi bosqichga koʻtarishdagi oʻrni yoritilgan. Aqlli ta’lim tizimlari hamda generativ kontent yaratuvchi dasturlarning pedagogik afzalliklari va mavjud kamchiliklari tahlil qilinadi. Tadqiqot yakunida SI integratsiyasini muvaffaqiyatli amalga oshirish uchun pedagogik strategiyalar, texnologik infratuzilma va etika normalarini birlashtirish, qolaversa, raqamli ta’limda ilmiy halollik prinsiplariga qat'iy rioya qilish zarurligi asoslab berilgan.