O'ZBEKISTONDA YASHIL MOLIYALASHTIRISHNI JORIY ETISH ISTIQBOLLARI

Ushbu maqolada O‘zbekistonda yashil moliyalashtirishni joriy etish istiqbollari, uning iqtisodiy
va ekologik ahamiyati hamda barqaror rivojlanishdagi roli tahlil qilinadi. Yashil moliyalashtirish mexanizmlari,
xususan yashil obligatsiyalar, ekologik loyihalarni kreditlash va xalqaro investitsiyalarni jalb etish jarayonlari ko‘rib
chiqiladi. Shuningdek, mamlakatda qayta tiklanuvchi energiya manbalarini rivojlantirish, uglerod chiqindilarini
kamaytirish va “yashil iqtisodiyot”ga o‘tish bo‘yicha amalga oshirilayotgan islohotlar o‘rganiladi. Tadqiqotda
mavjud muammolar sifatida moliyaviy infratuzilmaning yetarli darajada rivojlanmaganligi, huquqiy bazaning
takomillashtirish zarurati va investitsion risklar tahlil qilinadi. Natijada O‘zbekistonda yashil moliyalashtirishni
keng joriy etish iqtisodiy barqarorlikni mustahkamlash va ekologik xavfsizlikni ta’minlashda muhim omil ekani
asoslab beriladi.