BARQAROR RIVOJLANISH SHAROITIDA SIRKULYAR IQTISODIYOT TEXNOLOGIYALARINI JORIY ETISHNING ZAMONAVIY TENDENSIYALARI

Maqolada barqaror rivojlanish, sirkulyar iqtisodiyot va “yashil” logistika konsepsiyalarining zamonaviy iqtisodiyotdagi
ahamiyati tahlil qilinib, ekologik barqarorlikni ta’minlash zarurati ortib borayotgan sharoitda qayta tiklanadigan
resurslardan foydalanish, chiqindilarni qayta ishlash, qayta foydalanish va chiqindisiz ishlab chiqarishga asoslangan iqtisodiy
modellarni rivojlantirish masalalari ko‘rib chiqilgan. Shuningdek, sirkulyar iqtisodiyot texnologiyalarini joriy etishning
nazariy asoslari, kompaniyalar faoliyatini ekologiyalashtirish zarurati hamda mas’uliyatli ishlab chiqarish va iste’mol
madaniyatini shakllantirishning ustuvor yo‘nalishlari asoslab berilgan.