IQLIM O'ZGARISHINING IQTISODIYOTGA TA'SIRI: QISHLOQ XO'JALIGI VA SANOATDAGI XAVF VA YO'QOTISHLAR

Ushbu tadqiqot iqlim o‘zgarishining O‘zbekiston milliy iqtisodiyotiga, xususan, qishloq xo‘jaligi va sanoat
tarmoqlariga ko‘rsatayotgan kompleks ta’sirini tahlil etishga qaratilgan. 2021–2025-yillar oralig‘idagi rasmiy statistik
ma’lumotlar asosida haroratning ko‘tarilishi, yog‘ingarchilik rejimining o‘zgarishi hamda Orol dengizi havzasidagi suv
resurslarining qisqarishi bilan bog‘liq iqtisodiy yo‘qotishlar miqdoriy jihatdan baholangan. Tadqiqotda iqlim xavflarini
sektorlar kesimida tasniflovchi analitik model ishlab chiqilgan bo‘lib, O‘zbekistonning 2030-yilgacha yashil iqtisodiyotga
o‘tish strategiyasiga mos keluvchi amaliy tavsiyalar shakllantirilgan. Tadqiqot natijalari iqlim o‘zgarishi qisqa muddatli
hosildorlik pasayishlari bilan bir qatorda uzoq muddatli investitsiya muhiti va makroiqtisodiy barqarorlikka ham sezilarli
ta’sir ko‘rsatishini anglatadi.