O'ZBEK TILI XALQONA QARG'ISHLARINING NUTQDA REALLASHISHI

Ushbu maqolada qargʻishlarning nutqda reallashuvi pragmalingvistik, sotsiolingvistik va lingvokulturologik nuqtayi nazardan tahlil qilinadi. Tadqiqotda qargʻishlarning nutqiy akt sifatidagi tabiati, ularning kommunikativ vazifalari, illokutiv va perlokutiv xususiyatlari yoritiladi. Shuningdek, qargʻishlarning dialogik muloqot, konfliktli vaziyatlar hamda folklor matnlaridagi qoʻllanish xususiyatlari tahlil qilinadi. Qargʻishlarning hissiy-ekspressiv mazmuni, ijtimoiy nazorat vositasi sifatidagi oʻrni va adresatga koʻrsatadigan pragmatik ta'siri misollar asosida ochib beriladi. Tadqiqot natijalari qargʻishlarning oddiy leksik birlik emas, balki murakkab kommunikativ-pragmatik mexanizmga ega nutqiy janr ekanligini koʻrsatadi.