PEDAGOGIK QADRIYATLAR ASOSIDA O'QUVCHILARNI TARBIYALASH MEXANIZMLARINI TAKOMILLASHTIRISH

Mazkur maqolada pedagogik qadriyatlar asosida o‘quvchilarni tarbiyalash mexanizmlarini takomillashtirish
masalalari ilmiy-pedagogik jihatdan tahlil qilingan. Tadqiqotning maqsadi pedagogik qadriyatlarning o‘quvchi shaxsi rivojiga
ta’sirini aniqlash hamda ularni ta’lim-tarbiya jarayoniga samarali integratsiya qilish mexanizmlarini ishlab chiqishdan
iborat. Tadqiqotda aksiologik, kompetensiyaviy va shaxsga yo‘naltirilgan yondashuvlar asosida pedagogik kuzatish,
suhbat, anketa, tajriba-sinov hamda statistik tahlil metodlaridan foydalanildi. Natijalarga ko‘ra, pedagogik qadriyatlarga
asoslangan ta’lim jarayoni o‘quvchilarning ma’naviy-axloqiy sifatlari, ijtimoiy faolligi va mustaqil fikrlash ko‘nikmalarini
rivojlantirishda muhim omil ekanligi aniqlandi. Shuningdek, pedagogik qadriyatlarni shakllantirishning konseptual modeli
ishlab chiqildi. Xulosa sifatida pedagogik qadriyatlar asosida tashkil etilgan tarbiyaviy faoliyat o‘quvchilarni barkamol
shaxs sifatida shakllantirishning samarali vositasi ekanligi asoslab berildi.