MAKTABGACHA TA'LIM JARAYONIDA BO'LAJAK TARBIYACHILARNING ILLUSTRATIV YONDASHUV ASOSIDA KREATIV VA VARIATIV FAOLIYAT OLIB BORISH USULLARI VA YO'LLARI

Ta’lim tizimining zamonaviy bosqichida maktabgacha ta’lim eng muhim va asosiy poydevor vazifasini bajaradi.
Zero, mustaqil, serg‘ayrat, ijodkor va har tomonlama rivojlangan shaxsni yetishtirish har bir pedagogning asosiy
vazifasidir. Bo‘lajak tarbiyachilar tarbiyalayotgan bolalarning keyingi bosqichlardagi muvaffaqiyati aynan shu davrdagi
to‘g‘ri yondashuv va puxta tashkil etilgan ta’lim jarayoniga bevosita bog‘liq. Ana shu jarayonda pedagogdan zamonaviylik,
yangilikka ochiqlik, ijodiy tafakkur, bolaga individual va yangi yondashuvlarni tanlay bilish ko‘nikmalari talab etiladi. Dunyoqarashi
shakllanib borayotgan bolalarning tafakkurini ochish, o‘zini anglashga va mustaqil harakat qilishga o‘rgatishda,
albatta, kreativ hamda variativ metodlar, ayniqsa, illustrativ yondashuvning o‘rni beqiyos.