ICHKI YONUV DVIGATELLARINING TEXNIK HOLATIGA TA'SIR ETUVCHI EKSPLUATATSION OMILLARNI TAHLIL QILISH

 Mazkur maqolada ichki yonuv dvigatellarining texnik holatiga ta’sir etuvchi asosiy ekspluatatsion omillar tahlil qilingan. Dvigatelning ishonchliligi, iqtisodiy samaradorligi va xizmat muddati ko‘p jihatdan foydalanish sharoitlariga bog‘liq ekanligi yoritilgan. Yonilg‘i va moylash materiallari sifati, harorat rejimi, texnik xizmat ko‘rsatish darajasi, yuklanish sharoitlari hamda tashqi muhit omillarining dvigatel texnik holatiga ta’siri ilmiy jihatdan tahlil qilingan. Tadqiqot natijalari ekspluatatsion omillarning dvigatel resursiga sezilarli ta’sir ko‘rsatishini hamda zamonaviy diagnostika va texnik xizmat ko‘rsatish tadbirlarini takomillashtirish zarurligini ko‘rsatadi.