FRAZEOLOGIK BIRLIKLARNING KOMMUNIKATIV-PRAGMATIK VAZIFALARI

Mazkur maqolada frazeologik birliklarning muloqot jarayonidagi kommunikativ
pragmatik vazifalari hamda kontekstual muhitda ularning semantik jihatdan o‘zgarish 
xususiyatlari lisoniy tahlil qilingan. Tadqiqot davomida frazeologizmlarning axborotni 
ixcham, ta’sirchan, emotsional va baholovchi shaklda yetkazish, ya’ni kommunikativ 
iqtisod tamoyiliga mos kelish imkoniyatlari ochib berilgan. Shuningdek, matnda 
iboralarning kontekst ta’sirida ma’no kengayishi, pragmatik yo‘naltirilishi hamda 
ironik-kinoyaviy qayta talqin qilinishi kabi semantik transformatsiyalari aniq misollar 
orqali ko‘rsatib o‘tilgan. Maqolada frazeologizmlar shunchaki turg‘un lug‘aviy birlik 
emas, balki nutqiy faoliyatda dinamik tarzda shakllanuvchi, milliy-madaniy kodni 
tashuvchi hamda muloqot samaradorligini oshiruvchi muhim diskursiv vosita ekanligi 
isbotlangan.