EKOLOGIK MADANIYAT VA PEDAGOGIK HAMKORLIK: SOTSIOMETRIK MUNOSABATLARNI RIVOJLANTIRISHNING ZAMONAVIY MODELI
Authors/Creators
Description
Mazkur maqolada ekologik madaniyat asosida o‘qituvchi–o‘quvchi hamkorligini rivojlantirish hamda ta’lim jarayonidagi sotsiometrik munosabatlarni takomillashtirish masalalari tahlil qilinadi. Zamonaviy ta’lim tizimida ekologik tarbiya nafaqat tabiatni asrashga oid bilimlarni shakllantirish, balki ijtimoiy hamkorlik, jamoaviy muloqot va madaniy qadriyatlarni rivojlantirishning muhim vositasi sifatida qaralmoqda. Maqolada ekologik madaniyatning pedagogik jarayonga ta’siri, o‘qituvchi–o‘quvchi o‘rtasidagi ijtimoiy munosabatlarning sotsiometrik jihatlari hamda xalqaro ekota’lim tajribalarining ahamiyati yoritilgan. Shuningdek, ekologik loyihalar, jamoaviy faoliyat va interaktiv metodlar orqali ta’lim muassasalarida sog‘lom psixologik muhit yaratish mexanizmlari tahlil qilinadi. Tadqiqot natijalari ekologik madaniyat asosidagi pedagogik hamkorlik o‘quvchilarning ijtimoiy faolligi, mas’uliyati va kommunikativ ko‘nikmalarini rivojlantirishda samarali omil ekanligini ko‘rsatadi.