FARG'ONA VODIYSI AKVAKULTURASIDA MONOGENEYA INVAZIYALARINING BIOEKOLOGIK XUSUSIYATLARI VA IQTISODIY ZARARLARI

Ushbu maqolada Farg‘ona vodiysi akvakulturasida uchraydigan monogeneya parazitlarining bioekologik xususiyatlari va ularning baliqchilik xo‘jaliklariga keltiradigan iqtisodiy zararlari tahlil qilingan. Monogeneyalar baliq tanasining tashqi qismlarida parazitlik qiluvchi eng ommaviy ektoparazitlar bo‘lib, intensiv akvakultura sharoitida epizootik jarayonlarni tez qo‘zg‘atish xususiyatiga ega. Tadqiqotda ushbu parazitlarning yopishish va oziqlanish mexanizmlari, baliq sog‘lig‘iga ta’siri hamda ularning mintaqa suv havzalaridagi tarqalish darajasi o‘rganilgan.