AKADEMIK LITSEYLARDA KIBERXAVFSIZLIK ASOSLARINI O'QITISH METODIKASI

Mazkur maqolada akademik litseylarda kiberxavfsizlik asoslarini o‘qitishning zamonaviy metodikasi, uning ta’lim tizimidagi ahamiyati hamda o‘quvchilarda raqamli xavfsizlik madaniyatini shakllantirish masalalari yoritilgan. Hozirgi globallashuv va raqamli texnologiyalar jadal rivojlanayotgan davrda internet tarmoqlaridan foydalanish kundalik hayotning ajralmas qismiga aylanganligi sababli, yoshlarni turli kiberxavf va axborot tahdidlaridan himoyalanish ko‘nikmalariga ega qilib tarbiyalash muhim pedagogik vazifalardan biri hisoblanadi. Maqolada kiberxavfsizlik fanini o‘qitishda qo‘llaniladigan virtual simulyatsiyalar, case-study texnologiyasi, gamifikatsiya usullari hamda loyiha asosida ta’lim metodlari tahlil qilinib, ularning o‘quvchilarning amaliy bilim va ko‘nikmalarini rivojlantirishdagi samaradorligi misollar asosida ochib berilgan.