KORRUPSIYAGA OID JINOYATLAR UCHUN JINOIY JAVOBGARLIKNI TAKOMILLASHTIRISH: MILLIY VA XALQARO STANDARTLAR TAHLILI

Mazkur ilmiy maqolada korrupsiyaga oid jinoyatlar uchun jinoiy javobgarlik institutining nazariy-huquqiy asoslari, uning zamonaviy transformatsion tendensiyalari hamda milliy va xalqaro huquqiy standartlar bilan uyg‘unlashtirish masalalari kompleks ravishda tahlil qilinadi. Tadqiqotning dolzarbligi shundaki, globallashuv sharoitida korrupsiya nafaqat davlat boshqaruvi samaradorligini izdan chiqaruvchi destruktiv omil, balki demokratik institutlar barqarorligi, qonun ustuvorligi prinsipi, iqtisodiy xavfsizlik hamda fuqarolarning davlat hokimiyatiga bo‘lgan ishonchiga bevosita tahdid soluvchi transmilliy xavf sifatida namoyon bo‘lmoqda. Maqolada korrupsiyaga oid jinoyatlar tushunchasining doktrinal talqinlari, ularning kriminologik tavsifi, obyektiv va subyektiv belgilari, jinoyat tarkibining elementlari hamda kvalifikatsiya qilishdagi murakkab nazariy va amaliy muammolar tahlil etilgan.