HARBIY FANLARNI O'QITISHDA INNOVATSION PEDAGOGIK TEXNOLOGIYALARDAN FOYDALANISHNING SAMARALI YO'LLARI

 Bugungi globallashuv sharoitida harbiy ta’lim tizimiga qo‘yilayotgan 
talablar tobora ortib bormoqda. Zamonaviy qurollanish, harbiy texnika va axborot 
texnologiyalarining jadal rivojlanishi harbiy mutaxassislarni tayyorlash jarayonida ta’lim 
mazmuni, shakli va metodlarini tubdan yangilashni taqozo etmoqda. Shu bois harbiy 
fanlarni o‘qitishda an’anaviy yondashuvlar bilan cheklanib qolmasdan, innovatsion 
pedagogik texnologiyalarni keng joriy etish dolzarb vazifalardan biri hisoblanadi. 
O‘zbekiston Respublikasi Qurolli Kuchlarida olib borilayotgan islohotlar, harbiy ta’lim 
muassasalarining moddiy-texnik bazasini mustahkamlash, o‘quv jarayonini zamonaviy 
axborot-kommunikatsiya texnologiyalari bilan ta’minlash bo‘lajak ofitser va harbiy 
mutaxassislarni tayyorlash sifatini oshirishga xizmat qilmoqda. Bu jarayonda harbiy 
fanlarni o‘qitishda innovatsion pedagogik texnologiyalardan samarali foydalanish 
kursantlarda mustaqil fikrlash, tezkor qaror qabul qilish, vaziyatni to‘g‘ri baholash va 
jangovar sharoitlarga moslashish kabi muhim kasbiy kompetensiyalarni shakllantirish 
imkonini beradi.