FOYDALI QAZILMA KONLARINI YER OSTI USULIDA QAZIB OLISHDA KON BOSIMINI BOSHQARISH USULLARINI TADQIQ QILISH

Maqolada foydali qazilma konlarini yer osti usulida qazib olish 
jarayonida kon bosimini boshqarishning nazariy va amaliy asoslari tahlil qilinadi. Kon 
bosimi tog‘ jinslari massivida tabiiy geostatik kuchlanishlar, tektonik ta’sirlar, qazish 
ishlari natijasida hosil bo‘ladigan bo‘shliqlar, tayanchlarning deformatsiyasi va tog‘ 
jinslarining fizik-mexanik xossalari bilan bog‘liq murakkab geomekanik jarayon sifatida 
talqin etiladi. Maqolada kon bosimini boshqarishda mustahkamlagichlardan foydalanish, 
ustunli qazib olish, kamerali tizim, sun’iy tayanchlar, qazilgan bo‘shliqni to‘ldirish, qulatib 
qazish, oldindan bo‘shashtirish, burg‘ilash-portlatish rejimini optimallashtirish va 
geomekanik monitoring usullarining ahamiyati yoritiladi.