O'ZBEKISTONDA KONFESSIYALARARO DINIY BAGʻRIKENGLIKNING TARIXIY TAJRIBASI

Mazkur maqolada Oʻzbekistonda konfessiyalararo diniy bagʻrikenglikning tarixiy tajribasi chuqur ilmiy tahlil qilinadi. Xususan, Markaziy Osiyo hududida qadimdan turli din va e’tiqod vakillarining yonma-yon yashab kelgani, ularning oʻzaro hurmat, sabr-toqat va hamjihatlik asosida shakllangan munosabatlari yoritiladi. Maqolada diniy bagʻrikenglikning shakllanish bosqichlari qadimgi davrlar, oʻrta asrlar, mustamlaka davri hamda mustaqillik yillaridagi rivojlanish jarayonlari kesimida tahlil qilinadi. Shuningdek, turli konfessiyalar oʻrtasidagi ijtimoiy-madaniy aloqalar, diniy tashkilotlar faoliyati hamda davlat tomonidan olib borilayotgan diniy siyosatning oʻziga xos jihatlari ochib beriladi. Oʻzbekistonda diniy bagʻrikenglikni ta’minlash borasida amalga oshirilayotgan huquqiy va tashkiliy choralar, jumladan, vijdon erkinligini kafolatlovchi qonunlar, diniy tashkilotlar faoliyatini tartibga soluvchi mexanizmlar alohida e’tibor markazida boʻladi. Maqolada, shuningdek, globallashuv sharoitida yuzaga kelayotgan diniy muammolar, ekstremizm va radikalizm tahdidlari, axborot makonida diniy qarashlarning notoʻgʻri talqin qilinishi kabi masalalar ham tahlil qilinadi. Ushbu muammolarni bartaraf etish yoʻllari sifatida ma’rifat, madaniyatlararo muloqot, yoshlar tarbiyasi va diniy savodxonlikni oshirish kabi omillarning ahamiyati ilmiy asosda yoritiladi. Natijada, Oʻzbekistonda konfessiyalararo bagʻrikenglik tajribasi nafaqat milliy, balki xalqaro miqyosda ham muhim ahamiyatga ega ekani asoslab beriladi.