Avtomobilsozlik korxonalarida IATF 16949 standartini joriy etishda sifatni optimallashtirishning statistik modellari

Ushbu maqolada avtomobilsozlik korxonalarida IATF 16949 sifat menejmenti tizimi talablarini joriy etish jarayoniga ta’sir etuvchi asosiy omillar 2³ faktorial eksperiment yordamida o‘rganilgan. Tadqiqotda uchta asosiy omil (ichki audit chastotasi, xodimlarning malakasi, yetkazib beruvchilarni baholash tizimi) tanlangan va ularning mahsulot sifatiga muvofiqlik indeksiga ta’siri tahlil qilingan. Dispersiya tahlili (ANOVA) asosida omillarning ahamiyatliligi baholangan. Olingan natijalar asosida matematik model ishlab chiqilgan va optimal standartlarni joriy etish kombinatsiyasi aniqlangan. Taklif etilayotgan metodologiya avtomobilsozlik korxonalarida IATF 16949 talablarini iqtisodiy va texnologik jihatdan samarali joriy etish imkonini beradi.