ISLOM DINI MANBALARIDA INSON HUQUQLARI

Mazkur ilmiy maqolada Islom dini manbalarida inson huquqlarining shakllanishi, rivojlanishi va zamonaviy jamiyatdagi o‘rni kompleks tarzda o‘rganiladi. Tadqiqot davomida Qur’oni Karim va hadislar asosida insonning asosiy huquqlari – yashash huquqi, erkinlik, tenglik, sha’ni va qadr-qimmati, mulk huquqi hamda ijtimoiy adolat tamoyillari keng tahlil qilinadi. Shuningdek, maqolada inson huquqlarining zamonaviy ilm-fan, xususan kimyo fanidagi etik va ekologik masalalar bilan uzviy bog‘liqligi ochib beriladi. Bioetika, ekologik xavfsizlik, kimyoviy texnologiyalarni rivojlantirishda inson manfaatlarini ustuvor qo‘yish masalalari chuqur yoritiladi. Tadqiqotda inson huquqlarining buzilishiga olib keluvchi omillar, jumladan noto‘g‘ri diniy talqinlar, ilmiy-texnik taraqqiyot natijasidagi ekologik muammolar va ijtimoiy tengsizlik holatlari tahlil qilinadi. Maqola yakunida esa ushbu muammolarni bartaraf etishning ilmiy-amaliy yechimlari, xususan ta’lim tizimini takomillashtirish, huquqiy va ekologik madaniyatni oshirish, hamda ilmiy faoliyatda bioetik tamoyillarni joriy etish yo‘llari taklif etiladi.