AMIR TEMUR DAVLATCHILIGIDA XAVFSIZLIK VA BARQARORLIK MASALALARI

Mazkur maqolada Amir Temur davlatchiligida xavfsizlik va siyosiy barqarorlikni ta’minlash masalalari tarixiy manbalar asosida tahlil qilinadi. Temuriylar davlati boshqaruvida ichki barqarorlikni mustahkamlash, davlat xavfsizligini ta’minlash, harbiy tizimni takomillashtirish hamda markazlashgan boshqaruv tamoyillarining o‘rni ilmiy jihatdan yoritilgan. Tadqiqot jarayonida Amir Temurning siyosiy strategiyasi, harbiy tashkiloti va davlat boshqaruvida adolat hamda tartib-intizom tamoyillariga asoslangan boshqaruv tizimi o‘rganildi. Natijada Temuriylar davlatchiligi o‘z davrining mukammal siyosiy va harbiy boshqaruv tizimiga ega bo‘lganligi asoslab berildi.