ENERGETIK TIZIMLAR VA KORXONALARNING RIVOJLANISH MODELLARI

Mazkur ilmiy tezisda energetik tizimlarning iqtisodiy rivojlanishdagi o‘rni, zamonaviy energetika korxonalarining boshqaruv va rivojlanish modellari, qayta tiklanuvchi energiya manbalarining joriy etilishi hamda energetika tizimlarini raqamlashtirish jarayonlari tahlil qilingan. Shuningdek, dunyo va O‘zbekiston energetika tizimidagi islohotlar, elektr energiyasi ishlab chiqarish hajmlari, energiya samaradorligini oshirishga qaratilgan strategiyalar hamda korxonalarning innovatsion rivojlanish yo‘nalishlari ilmiy manbalar asosida o‘rganilgan. Tadqiqot natijalariga ko‘ra, energetik tizimlarning barqaror rivojlanishi iqtisodiy o‘sish, sanoat modernizatsiyasi va ekologik xavfsizlikni ta’minlashda muhim omil hisoblanadi.