ZIGMUND FREYDNING AYSBERG VA SHAXS TUZILISHI NAZARIYALARI

Mazkur ilmiy maqolada avstriyalik psixolog va psixoanaliz asoschisi Zigmund Freyd tomonidan ishlab chiqilgan aysberg modeli hamda shaxs tuzilishi nazariyasi ilmiy jihatdan tahlil qilinadi. Maqolada inson psixikasining uch darajasi- ong, ong osti va ongsizlik tushunchalari, shuningdek shaxsning tarkibiy qismlari bo‘lgan Id, Ego va Superego elementlarining vazifalari yoritiladi. Ushbu nazariyalar inson xulq-atvori, hissiyotlari va qaror qabul qilish jarayonlarini tushunishda muhim ahamiyat kasb etishi asoslab beriladi. Shuningdek, Freyd nazariyasining zamonaviy psixologiya fanidagi o‘rni va amaliy ahamiyati haqida qisqacha ma’lumotlar keltiriladi.