PEDAGOGIK MULOQOT VA PEDAGOGIK TEXNIKA

Mazkur maqolada pedagogik muloqot va pedagogik texnika tushunchalarining nazariy asoslari hamda ularning ta’lim-tarbiya jarayonidagi ahamiyati tahlil qilinadi. Pedagogik muloqot o‘qituvchi va ta’lim oluvchi o‘rtasida samarali hamkorlikni ta’minlovchi muhim vosita sifatida ko‘rib chiqiladi. Pedagogik texnika esa o‘qituvchining kasbiy mahoratini namoyon etuvchi nutq madaniyati, mimika, pantomimika, pedagogik takt va muomala odobi kabi tarkibiy qismlarni o‘z ichiga oladi. Maqolada pedagogik muloqotning kommunikativ kompetensiyani shakllantirishdagi roli, pedagogik texnikaning o‘quv jarayonida qo‘llanishi, o‘qituvchining kasbiy imidji va refleksiyasi, shuningdek, kreativ pedagogika tamoyillari asosida ta’lim samaradorligini oshirish yo‘llari yoritiladi. Tadqiqot natijalari pedagogik faoliyatda muloqot madaniyatini rivojlantirish, zamonaviy ta’lim texnologiyalaridan foydalanish va o‘qituvchining kasbiy mahoratini takomillashtirish bo‘yicha amaliy tavsiyalarni ilgari suradi.