GLOBAL RAQAMLI TAHDIDLAR SHAROITIDA MEDIASAVODXONLIK VA KIBERXAVFSIZLIK MADANIYATI

Ushbu maqolada globallashuv va raqamli transformatsiya sharoitida shaxs, jamiyat va davlat xavfsizligini ta’minlashning ustuvor yo‘nalishlari tahlil qilingan. Tadqiqotda mediasavodxonlik axborot manipulyatsiyasiga qarshi turish mexanizmi sifatida, kiberxavfsizlik esa raqamli infratuzilmani himoya qilishning texnik asosi sifatida o‘rganilgan. Maqolada kiberhujumlarning zamonaviy turlari, xususan, ijtimoiy muhandislik va fishing kabi tahdidlarning psixologik hamda texnologik jihatlari ochib berilgan. Shuningdek, davlat xizmatchilari va aholi o‘rtasida kibergigiyena madaniyatini shakllantirish, axborot oqimini tanqidiy tahlil qilish ko‘nikmalarini rivojlantirish bo‘yicha ilmiy-amaliy tavsiyalar ishlab chiqilgan. Raqamli savodxonlikni oshirish favqulodda vaziyatlarning axborot komponentini boshqarishda strategik ahamiyatga ega ekanligi dalillangan.