O'quv jarayonida raqamli kontent (elektron darslik, multimedia materiallari) yaratish texnologiyalari

Ta’lim tizimini raqamlashtirish jarayonida elektron darsliklar va multimedia materiallari asosida yaratilgan
raqamli kontent o‘quv jarayonining samaradorligini oshirishda muhim omil sifatida namoyon bo‘lmoqda. Raqamli kontent
o‘quv materiallarini multimodal shaklda taqdim etish, murakkab tushunchalarni ko‘rgazmali va interaktiv tarzda o‘zlashtirish
imkonini beradi. Tadqiqot doirasida raqamli kontent yaratishning nazariy-metodik asoslari, texnologik bosqichlari
hamda didaktik talablar tizimi tahlil qilindi. Elektron darslik va multimedia vositalarini ishlab chiqishda pedagogik dizayn,
foydalanuvchi ehtiyojlari, interaktivlik darajasi va baholash mexanizmlarining uyg‘unligi asosiy mezon sifatida asoslandi.
Shuningdek, raqamli kontentdan foydalanishning talabalarning o‘quv faolligi, mustaqil ishlash ko‘nikmalari va o‘zlashtirish
natijalariga ta’siri yoritildi.