HUDUDIY MEHNAT BANDLIGINI TA'MINLASHDA AVTOSERVIS KORXONALARINING ROLI

Mazkur maqolada hududiy mehnat bandligini ta’minlashda avtoservis korxonalarining iqtisodiy va ijtimoiy
ahamiyati ilmiy jihatdan tahlil qilingan. Bugungi kunda avtomobillar sonining ortib borishi, transport infratuzilmasining
kengayishi hamda xizmat ko‘rsatish sektorining rivojlanishi natijasida avtoservis korxonalari yangi ish o‘rinlarini yaratishda
muhim omilga aylanmoqda. Tadqiqot davomida avtoservis korxonalarining hududiy bandlikka ta’siri, kichik biznes
va xususiy tadbirkorlikni rivojlantirishdagi o‘rni, yoshlar va kasb-hunar egalari bandligini oshirish imkoniyatlari o‘rganilgan.
Shuningdek, mazkur sohani rivojlantirish orqali mahalliy byudjet daromadlarini ko‘paytirish, xizmatlar sifatini yaxshilash va
aholining daromad manbalarini kengaytirish masalalari yoritilgan. Tadqiqot natijasida hududlarda zamonaviy avtoservis
markazlarini tashkil etish, malakali kadrlar tayyorlash va investitsiyalarni jalb etish bandlikni oshirishning samarali yo‘nalishlari
ekanligi asoslab berilgan.