PEDAGOGIK TAJRIBA-SINOV ISHLARINING MAQSAD VA VAZIFALARI, UNI TASHKIL QILISH VA O'TKAZISH METODIKASI

Mazkur tadqiqotda ixtisoslashtirilgan maktablarda kimyo fanini o‘qitishda murakkab masala va mashqlardan foydalanish metodikasini takomillashtirishga qaratilgan pedagogik tajriba-sinov ishlarining mazmuni yoritilgan. Tadqiqot jarayonida ishlab chiqilgan metodikaning samaradorligini aniqlash maqsadida tajriba va nazorat guruhlari tashkil etilib, o‘quvchilarning bilim darajasi, mantiqiy fikrlash va ijodiy qobiliyatlari o‘rganildi.

Tajriba-sinov ishlari tayyorgarlik, diagnostik, tajriba va nazorat bosqichlari asosida tashkil etildi. Jarayonda analitik, sintetik va integrativ yondashuvlar, differensial va individual ta’lim metodlari qo‘llanildi. Olingan natijalar statistik tahlil qilinib, tajriba guruhida o‘quvchilarning bilim darajasi, murakkab masalalarni yechish ko‘nikmalari hamda ijodiy fikrlash qobiliyatlari sezilarli darajada oshgani aniqlandi.

Tadqiqot natijalari murakkab kimyoviy masalalarni o‘qitish metodikasini takomillashtirish orqali kimyo ta’limi samaradorligini oshirish mumkinligini ko‘rsatdi hamda amaliyot uchun muhim metodik tavsiyalar ishlab chiqildi.