1873–1910-YILLARDA XIVA XONLIGIDA ZAMONAVIY TIBBIYOT XIZMATINING SHAKLLANISHI VA RIVOJLANISHI

       Mazkur maqolada Xiva xonligining Chor Rossiyasi tarkibiga kirganidan keyingi davrda zamonaviy tibbiyot tizimining shakllanishi tahlil qilinadi. Xususan, hududda ilk tibbiyot punktlari tashkil etilgani va Rossiyadan malakali shifokorlar jalb qilingani yoritiladi. Biroq moliyaviy ta’minotning yetarli emasligi sababli shifokorlarning uzoq muddatli faoliyati ta’minlanmagani qayd etiladi. Shuningdek, tibbiy xizmatlar narxining yuqoriligi aholini qo‘shni Amudaryo bo‘limi markazidagi shifoxonalarga murojaat qilishga majbur etgani ta’kidlanadi. Maqolada, shu bilan birga, mazkur davrda ayrim yuqumli kasalliklarning oldini olish bo‘yicha amalga oshirilgan chora-tadbirlar va ularning tarixiy ahamiyati tahlil etilgan.