KORXONALARDA INVESTITSION FAOLIYATINI RIVOJLANISHINING ILMIY-NAZARIY ASOSLARI

Ushbu maqolada korxonalarda investitsion faoliyatni rivojlantirishning ilmiy-nazariy asoslari kompleks
yoritiladi hamda investitsiya qarorlarini qabul qilish va boshqarishning zamonaviy yondashuvlari tizimlashtiriladi.
Tadqiqotda investitsiya tushunchasining iqtisodiy mohiyati, investitsiya jarayonining bosqichlari, investitsiya siyosati va
strategiyasini shakllantirish tamoyillari, shuningdek, investitsiya resurslarini jalb etish va taqsimlash mexanizmlari ilmiy
jihatdan asoslab beriladi.
Maqolada investitsiya loyihalarini baholash mezonlari (NPV, IRR, PI, DPP), kapital qiymati (WACC), risk–daromad
muvozanati, portfel yondashuvi va qiymatga yoʻnaltirilgan boshqaruv konsepsiyasining korxona investitsion faolligiga
ta'siri tahlil qilinadi. Shu bilan birga, soliq-kredit siyosati, davlat qoʻllab-quvvatlovi, huquqiy kafolatlar, korporativ boshqaruv
va axborot shaffofligi kabi institutsional omillarning investitsiya muhitiga ta'siri bayon etiladi.
Tadqiqot natijalari investitsiyalarni rejalashtirish, moliyalashtirish manbalarini diversifikatsiya qilish, risklarni boshqarish va
loyiha monitoringini takomillashtirish boʻyicha ilmiy-amaliy takliflarni ishlab chiqishga xizmat qiladi